Adidas Yengil atletika federatsiyalari xalqaro assotsiatsiyasi (IAAF) bilan hamkorlikni to‘xtatdi. Bu haqda kompaniya rahbariyati ma’lum qildi, deya xabar beradi “TASS”.
“Tijoriy munosabatlarimiz 2016-yil tugashi bilan yakuniga yetadi. Muzokaralar chog‘ida ikki tomon ham shunday qarorga keldi. Adidas sermahsul va yuqori professional darajadagi hamkorlik uchun IAAF’ga minnatdorlik bildiradi va xalqaro assotsiatsiyaga kelgusidagi faoliyatida muvaffaqiyatlar tilaydi”, — deyiladi korporatsiya rahbariyati bayonotida.
Assotsiatsiyaning Adidas bilan sheriklik kelishuvi 2008-yilda tuzilgan va 2019-yilgacha mo‘ljallangandi. G‘arb sport sharhlovchilariga ko‘ra, shartnomaning bekor qilinishi IAAF duch kelgan doping va korrupsiyaviy mojarolar bilan bevosita bog‘liq.
Adidas bilan hamkorlikning to‘xtatilishi assotsiatsiya o‘nlab million yevro yo‘qotishiga olib keladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)