Япония чемпиони «Кашима Антлерс» клублар ўртасидаги Жаҳон Чемпионатининг чорак финалига йўл олди

Япониянинг Осака ва Йокогама шаҳарлари мезбонлик қилаётган футбол бўйича клублар ўртасидаги Жаҳон Чемпионатида биринчи учрашув бўлиб ўтди.

Мусобақада Япония чемпиони сифатида иштирок этаётган «Кашима Антлерс» 1/8 финалда Янги Зеландия ва Океания чемпиони «Окленд Сити»га қарши саф тортди ва иродали ғалабага эришди.

Беллашувда ҳисоб Океания вакили томонидан очилган бўлса-да, иккинчи бўлимда япониялик футболчилар 2 та гол уришга муваффақ бўлди ва ¼ финалга йўл олди.

¼ финал ўйинлари 11 декабрь куни бўлиб ўтди. Унда «Кашима Антлерс» Африка қитъаси чемпиони ҳисобланган «Мемелоди Саундаунс» билан тўқнаш келади. Осиё чемпиони «Чонбук Моторс» эса КОНКАКАФ вакили — Мексиканинг «Америка» клубига қарши саф тортади.

Европа чемпиони «Реал Мадрид» ва КОНМЕБОЛ етакчиси «Атлетико Насьональ» турнирга ярим финал босқичидан қўшилади.

Клублар мундиали 1/8 финал 8 декабрь, пайшанба

«Кашима Антлерс» (Япония) — «Окленд Сити» (Янги Зеландия) 2:1