Yangi Zelandiya bosh vaziri Jon Key 5-dekabr, dushanba kuni kutilmaganda iste’foga chiqishini ma’lum qildi. Bu haqda Reuters agentligi ma’lum qilmoqda.
Keyning so‘zlariga qaraganda, u lavozimini oilaviy sharoiti tufayli tark etgan. Siyosatchi jurnalistlarga yaqin kelajak uchun rejalari yo‘qligi, biroq parlamentni tark etmasligini ma’lum qildi.
Valyuta ayirboshlash operatsiyalari bo‘yicha mutaxassis bo‘lgan Key, bungacha moliyaviy muassasalarda, jumladan, Merrill Lynch’da faoliyat yuritgan. 2008-yilda uning Milliy partiyasi saylovlarda g‘alaba qozongan edi.
Partiyaning yangi yetakchisi va bosh vazir haqidagi qaror Milliy partiyaning 12-dekabr kuni bo‘lib o‘tadigan yopiq majlisida qabul qilinadi. Key o‘zining o‘rinbosari va moliya vaziri Bill Inglish nomzodini qo‘llab-quvvatlashini ma’lum qildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)