Kuba hukumati sobiq davlat rahbari Fidel Kastroning qabrini komandante bilan vidolashishni istagan fuqarolar uchun ochib qo‘ydi, deb yozadi “TASS” mahalliy televideniyedagi manbasiga tayanib.
Uning so‘zlariga ko‘ra, afsonaviy inqilobchi dafn etilgan joyga bir daqiqadayoq kirib borish mumkin.
Kastroning qabri yumaloq kulrang toshdan iborat bo‘lib, unga uning ism-sharifi yozilgan to‘q yashil taxtacha o‘rnatilgan. Komandantening 1953-yili Monkada kazarmalariga shiddatli hujum ishtirokchilari xotirasiga o‘rnatilgan yodgorlik yaqinida joylashgan qabri atrofida faxriy qorovul saf tortib turibdi.
Eslatib o‘tamiz, Kuba inqilobi yetakchisi, marhum Fidel Kastro 4-dekabr kuni Santyago-de-Kuba shahrida dafn etildi. U mamlakat qahramoni Xose Marti maqbarasi yonidagi Santa-Ifigeniya qabristoniga qo‘yildi.
Izoh (0)