Misrning Malikalar vodiysida topilgan mo‘miyolashtirilgan oyoq qismlari afsonaviy malika Nefertariga tegishli ekanligi ma’lum qilindi. Bu haqda “Korrespondent.net” xabar bermoqda.
Uning maqbarasi 1904-yilda topilgan, misrshunos olimlar o‘shanda mo‘miyolashtirilgan bir juft tizzani ham topgandi. Biroq uzoq vaqt ular chindan ham fir’avn Ramzes II ning birinchi turmush o‘rtog‘iga tegishli ekanligi yoki yo‘qligi noma’lum edi.
Tizzalarning kimga mansubligiga oydinlik kiritish maqsadida mo‘miyolashtirish davomida foydalanilgan moddalarni o‘rganish uchun kimyogarlar va radiouglerod uslub bilan yoshni aniqlovchi ekspertlar jalb etildi.
Olimlar miloddan 1250 yil avval vafot etgan Nefertari jasadining boshqa qoldiqlarini ham topishga umid qilmoqda. Ular sohibjamol malikaning hozircha topilgan yagona qoldiqlari tizzasi bo‘lib chiqqanini taqdirning achchiq hazili deb atamoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)