Rossiyada dekabr oyida neftning sutka mobaynida qazib olish hajmi 0,8 foizga oshib, yangi tarixiy maksimum — 11,3 million barrelga yetishi mumkin. Bu haqda Rossiya energetika vazirining o‘rinbosari Kirill Molodsov ma’lum qildi, deya xabar beradi “RBK”.
Oktabrda sutkalik qazib olish hajmi ilk bor 11,2 million barreldan oshdi va OPEK bilan dastlabki kelishuvga ko‘ra, Rossiya 2017-yildan boshlab aynan mazkur darajadan qazib olish hajmini sutkasiga 300 ming barrelga kamaytirishni rejalashtirmoqda.
Neft qazib olish hajmini kamaytirishning aniq reja-jadvali OPEK va unga a’zo bo‘lmagan davlatlarning 10-dekabrda Moskvada bo‘lib o‘tadigan uchrashuvigacha tayyorlanishi ko‘zda tutilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)