Туркия президенти Ражаб Тоййиб Эрдўғон Владимир Путин билан суҳбат чоғида Туркиянинг Сурияда ўтказаётган ҳарбий операцияси мақсади ҳақидаги баёнотига изоҳ берди. Бу ҳақда Россия президентининг ёрдамчиси Юрий Ушаков маълум қилди, дея хабар беради «Ведомости».
«Кеча президентимизнинг Эрдўғон билан телефон орқали мулоқоти бўлиб ўтди ва унда ушбу мавзуга ҳам тўхталинди. Эрдўғон баёнотига тегишли тушунтириш берди», — дея таъкидлади Ушаков ва бунга қўшимча изоҳ беришдан бош тортди.
Эслатиб ўтамиз, Россия президентининг матбуот котиби Дмитрий Песков Туркия раҳбари Ражаб Тоййиб Эрдўғоннинг Сурияда Башар Асад тузумини йиқитиш нияти ҳақидаги сўзлари Кремль учун янгилик бўлганини маълум қилганди.
Туркия президенти 29 ноябрь, сешанба куни Истанбулда, Қуддусдаги мусулмонлар муаммолари бўйича симпозиумдаги чиқишида Сурияда олиб борилаётган «Фрот қалқони» операциясидан мақсад Асад ҳукуматини ағдаришдан иборат эканлигини билдирди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)