30-noyabr kuni neft qazib chiqaruvchi mamlakatlarning Venadagi uchrashuvi yakunlari fonida to‘qqiz oy ichidagi eng maksimal o‘sishni namoyon qilgan neft narxlari 1-dekabr, payshanba kuni o‘sishda yana davom etmoqda, deb yozadi “Interfaks”.
Brent neftining fevral fyucherslari narxi Londonning ICE Futures birjasida Toshkent vaqti bilan 10:25 ga kelib, 0,57 dollarga (1,1%) oshdi va barreliga 52,41 dollarni tashkil qildi.
WTI neftining yanvardagi fyucherslari narxi Nyu-York tovar birjasi elektron savdolarida bu vaqtga kelib, 0,56 dollarga (0,93%) — barreliga 49,9 dollargacha oshdi.
Nashr eslatishicha, OPEK mamlakatlari 30-noyabr kungi uchrashuvda so‘nggi 8 yil ichida birinchi marta neft qazib olish hajmini sutkasiga jami 1,2 million barrelga kamaytirishga kelishib oldi.
Izoh (0)