29-noyabr, seshanba kuni Nyu-York markazida ish haqini oshirishni talab qilib tashkil etilgan norozilik aksiyasida qatnashgan 25 dan ortiq kishi politsiya tomonidan hibsga olindi, deb yozadi “TASS”.
Namoyishchilar ish haqining minimal qiymati soatiga 15 dollargacha oshirilishini talab qildi. Ta‘kidlanishicha, 350 ga yaqin namoyishchi Manxettendagi Zukotti bog‘iga to‘plangan va AQShda amalda bo‘lgan ijtimoiy-iqtisodiy siyosatga qarshi shiorlarni baralla aytgan. Politsiya vakillari so‘zlariga ko‘ra, eng tajovuzkorona harakat qilgan va avtomobillar yo‘lini to‘sib qo‘yishga uringan namoyishchilar qo‘lga olingan.
Aksiya ishtirokchilarining aksariyatini tezkor xizmat ko‘rsatiladigan restoranlar va boshqa past darajali maosh to‘lanadigan sohalar ishchilari tashkil qildi.
Shunga o‘xshash norozilik aksiyalari 29-noyabr kuni mamlakatning boshqa shaharlarida, jumladan, Denver (Kolorado shtati), Detroyt (Michigan), Los-Anjeles (Kaliforniya), Xyuston (Texas)da ham bo‘lib o‘tdi.
Izoh (0)