Germaniyaning Deutsche Lufthansa AG aviakompaniyasi uchuvchilarining manfaatlarini himoya qiluvchi Vereinigung Cockpit kasaba uyushmasi ish tashlashning ikkinchi hafta ham davom etishini ma’lum qildi, deb yozadi “Vedomosti”.
28-noyabr, dushanba kuni reyslar jadval bo‘yicha amalga oshirilishi kutilmoqda.
Kasaba uyushmasining xabarida ma’lum qilinishicha, Lufthansa rahbariyati bilan uchuvchilar maoshini oshirish bo‘yicha olib borilgan muzokaralar dam olish kunlari boshi berk ko‘chaga kirib qolganligi uchun uchuvchilar 29 va 30-noyabr kunlari ham ish tashlashni davom ettiradi.
29-noyabr kuni ish tashlash asosan ichki reyslarga, 30-noyabr kuni esa Germaniya hududidan boshlanuvchi barcha reyslarga ta’sir qilishi kutilmoqda.
Lufthansa press-relizida ma’lum qilinishicha, bundan avvalgi kunlardagi ish tashlashlar tufayli aviatashuvchi 2 755 ta reysni bekor qilgan, bu esa 345 000 yo‘lovchining rejalariga ta’sir ko‘rsatgan. Kompaniya rahbariyatining baho berishicha, uchuvchilarning ish tashlashi kompaniyaga kuniga 10 million yevroga tushadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)