Fransiyaning Le Monde gazetasi Kuba inqilobi yetakchisi Fidel Kastroning o‘limiga bag‘ishlangan, muallifi esa 2001-yilda vafot etgan jurnalist va yozuvchi Marsel Nidergang bo‘lgan ta’ziyanomani chop etdi.
“Kuba inqilobining otasi Fidel Kastro 90 yoshida olamdan o‘tdi” deya nomlangan maqolada Kastro muxolifatchilarni ta’qib etgani va so‘z erkinligini cheklagani uchun tanqid qilingan. Muallif Kastroga “jahldor, qo‘pol, ayyor va mug‘ombir arbob” deb ta’rif beradi, shu bilan birga, uning aqlli va o‘ta mehnatkashligi, kuchli xotira va noyob notiqlik qobiliyatiga ega ekanligini tan oladi.
Salomatligi oxirgi yillarda xavotir uyg‘otgan Fidel Kastroning o‘limi haqidagi soxta xabarlar bot-bot paydo bo‘lgan. Shu bois ko‘plab nashrlar uning qazo qilgani haqida oldindan ta’ziyanomalar tayyorlab qo‘ygandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)