Германиянинг Deutsche Lufthansa AG авиакомпанияси учувчиларининг манфаатларини ҳимоя қилувчи Vereinigung Cockpit касаба уюшмаси иш ташлашнинг иккинчи ҳафта ҳам давом этишини маълум қилди, деб ёзади «Ведомости».
28 ноябрь, душанба куни рейслар жадвал бўйича амалга оширилиши кутилмоқда.
Касаба уюшмасининг хабарида маълум қилинишича, Lufthansa раҳбарияти билан учувчилар маошини ошириш бўйича олиб борилган музокаралар дам олиш кунлари боши берк кўчага кириб қолганлиги учун учувчилар 29 ва 30 ноябрь кунлари ҳам иш ташлашни давом эттиради.
29 ноябрь куни иш ташлаш асосан ички рейсларга, 30 ноябрь куни эса Германия ҳудудидан бошланувчи барча рейсларга таъсир қилиши кутилмоқда.
Lufthansa пресс-релизида маълум қилинишича, бундан аввалги кунлардаги иш ташлашлар туфайли авиаташувчи 2 755 та рейсни бекор қилган, бу эса 345 000 йўловчининг режаларига таъсир кўрсатган. Компания раҳбариятининг баҳо беришича, учувчиларнинг иш ташлаши компанияга кунига 10 миллион еврога тушади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)