Checheniston rahbari Ramzan Qodirov o‘zini “Putinning piyoda askari” nomiga hali loyiq emas, deb hisoblaydi. Bu haqda u “TASS”ga bergan intervyusida aytib o‘tdi.
“Men prezidentga sodiqman. Cheksiz darajada. Boshqa hech kimga o‘xshamagan tarzda. Vladimir Vladimirovichning soqchilari, maxsus topshiriqli bo‘linmalari bor, ammo men unga xizmat bo‘yicha emas, shaxsan sodiqman. Men undan hayotim uchun qarzdorman… Bir marta men o‘zimni Putinning piyoda askari deb atagandim, shunda bu iboraga darhol yopishib olishdi, biroq hozircha hatto bu nomga ham loyiq emasman”, — dedi Qodirov.
Shu bilan birga, Checheniston rahbari Rossiya prezidentidan tushgan eng qiyin topshiriqni oliy mukofot sifatida qabul qilishini ta’kidladi.
Izoh (0)