Amerikaning eng yangi Zumwalt minonosetsi (torpedalar bilan qurollangan harbiy kema) Panama kanalidan o‘tish chog‘ida buzilib qoldi, deb yozadi “Vedomosti”. Uni shatakka olib Panama sohillariga keltirishdi. Endi kema San-Diyegogacha bo‘lgan yo‘lni bosib o‘tishi kerak.
Harbiy kemaning ishdan chiqishi uning kombinatsiyalangan dizel-gaz turbinali dvigatelidagi issiqlikni almashtirib beruvchi qurilmasi bilan bog‘liqligi taxmin qilinmoqda.
Ayni paytda mutaxassislar ta’mirlash ishlari qancha vaqt olishini hisoblab chiqmoqda. Kema 15-oktabr kuni foydalanishga topshirilgan edi.
Izoh (0)