AQSh prezidenti lavozimini tark etayotgan Barak Obama va uning o‘rnini egallaydigan Donald Tramp 10-noyabr kuni Oq uyda bo‘lib o‘tgan uchrashuvdan keyin telefon orqali suhbatlashgan. Bu haqda Oq uy matbuot kotibi Joshua Ernest jurnalistlar uchun brifingda ma’lum qildi, deb yozadi “TASS”.
U Amerika matbuotida Tramp va Obamaning yangi muloqoti haqida paydo bo‘lgan ma’lumotlarni izohladi. Bu haqda 21-noyabr, dushanba kuni AQShning yangi yetakchisi “matbuot uchun emas” rejimida qator milliy OAVlar rahbarlari bilan uchrashgach, ma’lum bo‘lgan edi.
“Prezident Obama hukumatning silliq tarzda topshirilishini ta’minlash bo‘yicha majburiyatni o‘z zimmasiga oldi, ular (Tramp bilan) Oval kabinetdagi uchrashuvdan so‘ng kamida bir marta suhbatlashdi”, — dedi Ernest.
U ushbu suhbat mazmunini va u aynan qachon bo‘lib o‘tganini oshkor qilmadi. Shu bilan birga, u Obama hukumat vakolatlarining Tramp rahbarligidagi yangi ma’muriyatga “silliq va samarali tarzda topshirilishini” ta’minlash istagiga bir necha marta ishora qilganini ta’kidladi.
Izoh (0)