Yaponiyaning maishiy elektronika ishlab chiqaruvchi Panasonic kompaniyasi yuvilgan kiyimlarni o‘zi joylaydigan robotni yaratish loyihasiga 60 million dollar sarfladi. Bu haqda “Interfaks” xabar bermoqda.
Javonga o‘xshash va Laundroid nomini olgan mashinani ishlab chiqish uchun Yaponiyaning Seven Dreamers startapiga 10 yil vaqt talab etildi. Uning sotuvi mamlakatda kelgusi yili boshlanadi.
Bitta buyumni taxlashga 5—10 daqiqa vaqt ketadi. Buning uchun qurilma sun’iy intellekt va tasvirlarni ilg‘ab olish texnologiyasidan foydalanadi. Shundan so‘ng buyumlar Laundroid ichiga o‘rnatilgan qatorlarga joylashtiriladi.
Panasonic vakillariga ko‘ra, mazkur yangilikni haqiqiy inqilob deyish mumkin, zero, hisob-kitoblar inson umri davomida kir yuvganidan so‘ng kiyimlarni taxlashga 375 kun vaqt sarflashini ko‘rsatmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)