Huawei kompaniyasi Mate 9 smartfonining soddalashtirilgan Lite modelini taqdim etdi, deb yozadi “Hi-tech.mail.ru”. Qurilmaning 3/32 Gb versiyasi 150 dollardan sotilishi kutilmoqda.
Yangi qurilma Honor 6X smartfoning Huawei brendi ostidagi ayni nusxasidir. Huawei Mate 9 Lite kamerasi moduli 12 va 2 megapiksellidir, “katta” modelda esa kameralar 20 va 12 megapikselli. Shuningdek, yangi smartfonning displeyi va protsessori (Kirin 655) oddiyroq.
Mate 9 Lite’ning narxi e’lon qilinganicha yo‘q. Agar Honor 6X narxiga tayanadigan bo‘lsak, uni 150 dollar deb taxmin qilish mumkin.
Smartfon 5,5 dyuym va 1920×1080 pikselli Full HD-ekran, 3/4 Gb tezkor va 32/64 Gb ichki xotira, 4000 mA/soat sig‘imli akkumulyator, 12+2 megapikselli asosiy va 8 megapikselli old kameraga ega. Qurilma EMUI 5.0 qobiqli Android 7.0 Nougat operatsion tizimida ishlaydi.
Izoh (0)