Vladimir Putin o‘zining Limaga tashrifiga bag‘ishlab, mahalliy fuqaro Xuliya Kastro tomonidan alpaka (juni uchun boqiladigan hayvon) junidan to‘qilgan sviterni, oxir-oqibat, olishga muvaffaq bo‘ldi, deb yozadi “Interfaks”.
Avvalroq ayol sovg‘ani shaxsan topshirishni istagan, ammo xavfsizlik xizmati uni Rossiya prezidentiga yaqinlashtirmagan edi, pirovardida esa u politsiya uchastkasiga tushdi.
Perulik ayol jurnalistlar vositachiligidan foydalanishiga to‘g‘ri keldi, ular sviterni sammit yakunlari bo‘yicha matbuot anjumani chog‘ida Putinga topshirdi. Prezident uni minnatdorlik bilan qabul qildi va o‘z matbuot kotibi Dmitriy Peskovning qo‘liga berdi.
Xuliya Kastro aniqlik kiritishicha, u Rossiyaga nisbatan iliq hissiyotlarga ega, shuningdek, uning kelini rus bo‘lib, ikki nevarasi ham rus tilini a’lo darajada biladi.
Izoh (0)