Damashqda Turkiyaning Suriya shimolidagi harakatlarini tajovuz deb atashdi

Suriya tashqi ishlar vaziri Valid Muallim Turkiyani uning mamlakatiga qarshi to‘g‘ridan-to‘g‘ri tajovuzda aybladi, deb yozadi “Interfaks”.

“Suriya o‘z hududida bittagina turk askari bo‘lishiga ham qarshi”, — dedi Muallim 20-noyabr, yakshanba kuni Damashqda bo‘lib o‘tgan matbuot anjumanida.

“Turkiya rejimi Suriya hududiga bosqinchilikni amalga oshirdi, — deya ta’kidladi Suriya vaziri. — bu to‘g‘ridan-to‘g‘ri tajovuzdan boshqa narsa emas”.

Avgust oxiridan buyon Anqara Suriya shimolida Turkiya bilan chegara bo‘ylab IShID terrorchilaridan xoli bo‘lgan xavfsizlik hududlarini yaratish maqsadida “Frot qalqoni” operatsiyasini o‘tkazmoqda.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.