Xitoyning onlayn savdo bo‘yicha Alibaba Group Holdings kompaniyasi Xitoyda 11-noyabr kuni nishonlanadigan “Bo‘ydoqlar kuni”da savdo hajmi bo‘yicha yangi rekord o‘rnatdi, deb yozadi “Interfaks”. 24 soatli chegirmali savdo chog‘ida 121 milliard yuan (18 milliard dollar)lik mahsulotlar sotildi.
O‘tgan yili savdo 60 foizga o‘sib, 91,2 milliard yuanni tashkil qilgan edi. Bu yil esa o‘sish 32 foizga teng bo‘ldi.
Kompaniya prezidenti Mayk Evans kelajakda kompaniya shu kuni AQSh, Yevroittifoq va Yaponiyada ham chegirmali savdolarni tashkil qilishi mumkinligini aytdi.
Bu yilgi savdolarda asosan Apple, Nike, New Balance, Adidas va Ugg kabi chet el brendlari yetakchilik qildi. Bu safar voqeaga qiziqishni yana oshirish uchun, kompaniya chegirmali savdo ochilishiga aktrisa Skarlett Yoxansson, futbolchilar Devid Bekxem va Tomas Myuller, basketbolchi Kobi Brayant va One Republic rok-guruhini taklif etdi.
“Bo‘ydoqlar kuni” zamonaviy bayram bo‘lib, Xitoyda ilk bor 2011-yilda nishonlangan. Raqamlar sehriga ishonuvchi xitoyliklar fikricha, 11 raqami yolg‘iz erkak va ayollarni eslatar ekan.
Izoh (0)