Yaponiyaning Xonsyu oroli qirg‘oqlarida, Senday va Fukusima prefekturasi yaqinida 6,2 magnitudali zilzila ro‘y berdi. Bu haqda AQSh geologiya xizmati ma’lum qildi, deya xabar beradi “Korrespondent.net”.
Yerosti silkinishlari 12-noyabr, Toshkent vaqti bilan 02:42 da qayd etildi. Ularning o‘chog‘i dengizda, 45 kilometr chuqurlikda bo‘lgan.
Jabrlanganlar va vayronagarchiliklar haqida xabar berilmadi. Sunami xavfi yo‘q ekanligi bildirilmoqda.
Tokyo Electric Power kompaniyasi zilzila Fukusima AES faoliyatiga ta’sir o‘tkazgan yoki yo‘qligini tekshirmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)