Kaliforniya shtatining Oushensayd shahri g‘aznachisi lavozimiga saylovda bir oydan ko‘proq vaqt oldin vafot etgan nomzod g‘olib chiqdi, deb yozadi “Korrespondent.net”.
Huffington Post yozishicha, 61 yoshli Geri Ernst 23-sentabrdayoq olamdan o‘tgan, ammo saylov varaqalari ungacha bosilib chiqqan edi. Uning raqibi Nadin Skottning saylovchilarni hodisa haqida ogohlantirish bo‘yicha “doimiy urinishlari”ga qaramay, ovozlar hisoblab chiqilgach, Ernst undan 6 foizga o‘zib ketdi.
Shahar kengashi vakillaridan birining so‘zlariga ko‘ra, Ernstning o‘rnini Skott emas, boshqa birov egallashi kerak, chunki marhum Ernstning malakasi “baribir unikidan yuqoriroq”.
Endi shahar hukumati kimnidir bu lavozimga tayinlashiga yoki 500 ming dollarlik yana bir saylov kampaniyasini o‘tkazishi kerak bo‘ladi.
Izoh (0)