Iroq qo‘shinlarining Mosul shahrini IShID terrorchilik guruhi jangarilaridan ozod etish bo‘yicha operatsiyasi kechikishlarsiz o‘tmoqda. Bu haqda Iroq bosh vaziri Haydar al-Obodiy aholiga qaratilgan maxsus murojaatida aytib o‘tdi, deb yozadi “TASS”.
“Mosulni ozod qilish bo‘yicha harbiy kompaniya o‘tkazilishida hech qanday kechikishlar yo‘q, operatsiya avvaldan ishlab chiqilgan rejaga muvofiq o‘tmoqda”, — dedi u.
Al-Obodiy ta’kidlashicha, Mosul aholisi “xavfsizlikda”, Iroq qo‘shinlari esa tez orada “IShID jangarilari bo‘ynini sindiradi”.
Mosulni IShIDdan ozod etish bo‘yicha quruqlikdagi operatsiya 17-oktabr kuni boshlandi. Hukumat kuchlari bilan bir qatorda, unda kurd otryadlari, shuningdek, AQSh boshchiligidagi xalqaro aksilterrorchilik koalitsiyasi ishtirok etmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)