Bryusselda Jeyms Bond ishqibozlari politsiya operatsiyasi o‘tkazilishiga sababchi bo‘ldi

5-noyabr, shanba kunining ikkinchi yarmida Bryusselning Volyuve-Sen-Lamber kommunasida ko‘p sonli politsiya mashinalari, vertolyot va maxsus topshiriqli bo‘linmalar Jeyms Bondning yosh muxlislari olib borgan havaskor kinofilmni suratga olish ishlari ishtirokchisi bo‘lib chiqqan qurolli kishini tutish uchun jalb qilindi, deb yozadi “Interfaks”.

“Guvoh uylardan birining tomida qurollangan shaxsni ko‘rib qolgan. Xavfsizlik perimetri o‘rnatilgan. Federal politsiya maxsus topshiriqli bo‘linmasi va vertolyot qurolli shaxsni topish uchun voqea joyiga yetib kelgan”, — dedi kommuna burgomistri Olivye Mengen.

Ma’lum bo‘lishicha, filmni suratga olgan yoshlar haqiqiy qurolning nusxalaridan foydalangan. Politsiya operatsiyasi yarim soatdan keyinoq bekor qilindi. “Kinematografchilar”ni so‘roq qilishdi.

Ular hukumatning tegishli ruxsatisiz film suratga olishda ayblanishi mumkin.