Joriy yil yanvaridan oktabriga qadar Germaniyada qochqinlar yotoqxonalariga hujumlar soni o‘tgan yilning shu davriga nisbatan deyarli 25 foizga ko‘paydi. Bu haqda Jinoiy ishlar federal muassasasi ma’lum qildi, deb xabar berdi “Korrespondent.net”.
2016-yilning 9 oyi mobaynida 832 ta shunday huquqbuzarlik qayd etildi. O‘tgan yili bu ko‘rsatkich 637 tani tashkil etgandi.
Politsiya 772 jinoyatda muhojirlarga nisbatan nafrat alomatlarini kuzatgan bo‘lsa, yana 60 holatda siyosiy sabablar istisno etilmagan. 330 ta hodisada mol-mulkka zarar yetkazilgan, 144 holatda zo‘ravonlikka yo‘l qo‘yilgan.
Germaniya huquq-tartibot idoralari 63 ta o‘t qo‘yish va 12 ta portlatishga urinishni qayd etdi. 4 ta holatda portlashlar chindan ham ro‘y berdi.
Izoh (0)