Janubiy Koreya poytaxtida dugonasi Chxve Sun Sil bilan bog‘liq mojaro tufayli prezident Pak Kin Xe iste’fosi talab qilingan ommaviy norozilik namoyishi bo‘lib o‘tdi. Mahalliy politsiyaga ko‘ra, namoyishda 43 mingga yaqin kishi ishtirok etdi, deya xabar beradi “TASS”.
Namoyish chog‘ida tartibsizliklar ro‘y bergani haqida ma’lum qilinmadi. 17 mingdan ortiq huquq-tartibot xodimlari xavfsizlikni ta’minlashda ishtirok etdi. Tashkilotchilar poytaxt ko‘chalariga 100 mingga yaqin kishini olib chiqishni rejalashtirgani bildirilmoqda. O‘tgan haftada ham Seulda ikki marotaba prezident iste’fosi talab qilingan namoyishlar o‘tkazilgandi.
Eslatib o‘tamiz, Pak Kin Xe Janubiy Koreya televideniyesi orqali mamlakat xalqiga murojaat etib, yuzaga kelgan mojaro bo‘yicha o‘ziga nisbatan tekshiruv o‘tkazilishiga tayyor ekanligini ma’lum qilgandi.
Izoh (0)