Жанубий Корея пойтахтида дугонаси Чхве Сун Силь билан боғлиқ можаро туфайли президент Пак Кин Хе истеъфоси талаб қилинган оммавий норозилик намойиши бўлиб ўтди. Маҳаллий полицияга кўра, намойишда 43 мингга яқин киши иштирок этди, дея хабар беради «ТАСС».
Намойиш чоғида тартибсизликлар рўй бергани ҳақида маълум қилинмади. 17 мингдан ортиқ ҳуқуқ-тартибот ходимлари хавфсизликни таъминлашда иштирок этди. Ташкилотчилар пойтахт кўчаларига 100 мингга яқин кишини олиб чиқишни режалаштиргани билдирилмоқда. Ўтган ҳафтада ҳам Сеулда икки маротаба президент истеъфоси талаб қилинган намойишлар ўтказилганди.
Эслатиб ўтамиз, Пак Кин Хе Жанубий Корея телевидениеси орқали мамлакат халқига мурожаат этиб, юзага келган можаро бўйича ўзига нисбатан текширув ўтказилишига тайёр эканлигини маълум қилганди.
Изоҳ (0)