AQShlik sayohatchi 196 ta mamlakatga tashrif buyurgan birinchi ayolga aylanmoqchi

AQShning Konnektikut shtatida yashovchi Kessi de Pekol ismli qiz 196 ta mamlakatga tashrif buyurgan birinchi ayolga aylanmoqchi, deb yozadi AdMe.

Kessi sayohat qilishni 2015-yil iyulida, 25 yoshida boshlagan va 15 oy ichida u 254 marta samolyotda uchib, 180 ta mamlakatga safar qilishga ulgurdi. U o‘zining dunyo bo‘ylab sayohatini 45 kun ichida tugatmoqchi.

Albatta, bunday sayohat Kessidan katta xarajatlarni talab qildi: dunyo bo‘ylab sayohat unga jami 198 ming dollarga tushdi, uning katta qismini to‘plashda sayohatchi qizga ko‘p sonli homiylari yordam berdi. Ularning yordamida uddaburon qiz o‘z sayohati haqida hujjatli film suratga oldi. Shuningdek, uning Instagram’ida o‘z investorlarining hashamatli ekomehmonxonalari rasmlarini ko‘rish mumkin, ularni reklama qilgani uchun Kessiga mehmonxonalardan bepul xonalar berildi.

Qiz har bitta mamlakatda o‘rtacha bir necha kundan vaqt o‘tkazdi. So‘nggi ma’lumotlarga ko‘ra, u hozir Kubada bo‘lishi kerak.