Estoniya Rossiya harbiy samolyotini havo chegarasini buzishda aybladi

Rossiya chegara xizmatining An-148 samolyoti 1-noyabr, seshanba kuni Vayndloo oroli hududida Estoniya havo chegarasini buzdi. Bu haqda mamlakat mudofaa kuchlari matbuot xizmati ma’lum qildi, deya xabar beradi “Interfaks”.

Matbuot xizmatiga ko‘ra, samolyot mahalliy vaqt bilan 9:33 da mamlakat havo hududiga ruxsatsiz kirgan va bir daqiqa atrofida bo‘lib turgan. Uning ekipaji eston dispetcherlari bilan radioaloqaga chiqmagan, biroq samolyot transponderi yoqilgan va parvoz rejasi taqdim etilgandi.

Estoniya TIV Rossiya elchisini chaqirdi va unga norozilik notasini topshirdi. Ma’lumotlarga ko‘ra, bu Rossiya harbiy-havo kuchlari tomonidan joriy yilda oltinchi marotaba Estoniya havo chegarasining buzilishidir.