Eron Yamanga qurol yetkazib berayotgani haqidagi navbatdagi ayblovni rad etdi. Bu haqda “TASS” xabar bermoqda.
“Bo‘htondan iborat bunday ayblovlar Yamanning himoyasiz tinch aholisi, maktab va kasalxonalariga Amerikada ishlab chiqilgan bomba va raketalar yog‘ilayotgan paytda bildirilmoqda. Dunyo dahshatli harbiy jinoyatlar va havodan berilayotgan ayovsiz hujumlarga guvoh bo‘lyapti. Ma’lum bir kuchlar Saudiya tuzumining bunday harakatlarini qo‘llab-quvvatlamoqda”, — deya ta’kidladi Eron TIV rasmiy vakili Bahrom Qosimiy.
Diplomatning aytganlari AQSh Beshinchi floti qo‘mondoni, vitse-admiral Kevin Doneganning Eron isyonchi xusiylarga faol tarzda qurol-yarog‘ yetkazib berayotgani haqidagi bayonotiga javob bo‘ldi. AQSh yuqori martabali harbiysiga ko‘ra, Yaman qirg‘oqlarida oxirgi yil mobaynida Eron qurol-aslahasi yuklangan kamida 5 ta kema qo‘lga olingan.
Izoh (0)