30-oktabr kuni noma’lum shaxslar Rossiyaning Oryol shahrida yaqinda o‘rnatilgan Ivan Grozniy haykalining boshiga qop kiydirib ketishdi, deb yozadi TJournal “VKontakte”dagi guruhlardan biriga tayanib.
Shuningdek, otning boshiga qora taxta osib qo‘yishgan, unga qizil bo‘yoq bilan “Qandaydir dim, qorong‘i” deb yozib qo‘yilgan. Huquq-tartibot organlari va shahar amaldorlari bunga qanday munosabat bildirgani hozircha noma’lum.
Oka va Orlik daryolari qo‘shilgan joyda o‘rnatilgan Ivan Grozniy haykali 2016-yil 14-oktabrda ochilgan edi. Haykalning o‘rnatilishi masalasi ko‘plab bahslarni keltirib chiqardi: norozilik aksiyalari o‘tkazildi, haykal uchun joy muhokama qilindi, shohning shaxsi haqida esa Rossiya ruhoniylari kinoyali fikrlar bildirdi.
Izoh (0)