Samaradan Boyqo‘ng‘irga yo‘l olgan An-24 samolyoti Qozon aeroportida qo‘nishga majbur bo‘ldi

Samaradan Boyqo‘ng‘irga yo‘l olgan An-24 samolyoti dvigatellaridan biri pand bergani sababli Qozon aeroportida qo‘nishga majbur bo‘ldi. Bu haqda Rossiya FVVning Tataristondagi boshqarmasi ma’lum qildi, deya xabar beradi “Interfaks”.

“31-oktabr, dushanba kuni 09:39 da Samara—Boyqo‘ng‘ir yo‘nalishida 9503-reysni bajarayotgan An-24 samolyoti Qozon aeroportida o‘ng dvigateli nosozligi sababli avariyali qo‘nishni amalga oshirdi”, — deb izoh berdi boshqarma vakillari.

Havo kemasida 20 nafar yo‘lovchi bo‘lgan. Hodisa oqibatida hech kim jabrlanmagani bildirilmoqda.