Эрон Яманга қурол етказиб бераётгани ҳақидаги навбатдаги айбловни рад этди. Бу ҳақда «ТАСС» хабар бермоқда.
«Бўҳтондан иборат бундай айбловлар Яманнинг ҳимоясиз тинч аҳолиси, мактаб ва касалхоналарига Америкада ишлаб чиқилган бомба ва ракеталар ёғилаётган пайтда билдирилмоқда. Дунё даҳшатли ҳарбий жиноятлар ва ҳаводан берилаётган аёвсиз ҳужумларга гувоҳ бўляпти. Маълум бир кучлар Саудия тузумининг бундай ҳаракатларини қўллаб-қувватламоқда», — дея таъкидлади Эрон ТИВ расмий вакили Баҳром Қосимий.
Дипломатнинг айтганлари АҚШ Бешинчи флоти қўмондони, вице-адмирал Кевин Донеганнинг Эрон исёнчи хусийларга фаол тарзда қурол-яроғ етказиб бераётгани ҳақидаги баёнотига жавоб бўлди. АҚШ юқори мартабали ҳарбийсига кўра, Яман қирғоқларида охирги йил мобайнида Эрон қурол-аслаҳаси юкланган камида 5 та кема қўлга олинган.
Изоҳ (0)