Parijda shu hafta Gonkur mukofotining yangi sovrindoriga 10 yevrolik (33 600 so‘m) chek topshiriladi, deya xabar bermoqda “TASS”.
Fransiya bosh adabiy mukofotining pul qismi u o‘tgan asr boshida ta’sis etilganidan keyin valyuta bozorlarida kuzatilgan o‘zgarishlar natijasida qadrsizlanib ketdi. Ammo oliy hay’at a’zolari yozuvchilar bundan xafa emasligini ta’kidlamoqda.
“Bu ramziy chek, — deya aniqlik kiritdi akademiya prezidenti Bernar Pivo. — Yozuvchiga uning mualliflik huquqlari pul mukofotini keltiradi”. Masalan, 2013-yilda “U yerda, yuqorida uchrashamiz” romani uchun mukofotga loyiq deb topilgan Pyer Lemetrning kitobi o‘sha vaqtdan buyon 600 ming nusxada chop etilgan va 20 ta tilga tarjima qilingan.
Izoh (0)