Prokuratura Olmaota sudidan 2016-yil iyul oyida shahardagi politsiya bo‘linmasiga hujum qilganlikda ayblanayotgan Ruslan Kulebekovni o‘lim jazosiga hukm qilishni so‘radi. Bu haqda “Interfaks” xabar bermoqda.
Kulebekov sakkiz nafar huquq-tartibot xodimi, ikki nafar tinch aholi vakilini o‘limiga sabab bo‘lgan terrorchilik harakatini sodir etishda, shuningdek, shuningdek, uch fuqaroning joniga suiqasd qilishda ayblanmoqda.
Qozog‘istonda o‘lim jazosiga 2003-yildan e’tiboran moratoriy joriy qilingan, 2004-yildan beri u umrbod ozodlikdan mahrum etish jazosi bilan almashtirib kelinadi.
Ayni vaqtda, mamlakatda o‘lim jazosi jinoiy jazo turi sifatida bekor qilinmagan va moratoriy bekor qilinganidan bir yil o‘tib, ijro etilishi mumkin.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)