Qirg‘iziston hududida harbiy bazaga egalik qilish Vashington uchun ortiq qiziq emas. Bu haqda, “Interfaks” xabariga ko‘ra, AQSh davlat kotibi o‘rinbosari Tomas Shennon ma’lum qilgan.
“Qirg‘iziston hukumati tomonidan amalga oshirilgan ishlar, shubhasiz, Afg‘onistonda “Tolibon”ga qarshi kurash va ushbu mamlakatda demokratik jamiyatni qurishda AQShga katta yordam berdi”, — dedi Shennon 27-oktabr, payshanba kuni Markaziy Osiyodagi Amerika universiteti (Bishkek) talabalari bilan uchrashuv chog‘ida.
Uning so‘zlariga ko‘ra, “Qirg‘iziston bilan mintaqada xavfsizlikni ta’minlash sohasida hamkorlikdagi faoliyatni davom ettirish uchun AQShning mazkur mamlakat hududida harbiy bazasi bo‘lishiga zarurat yo‘q”.
AQSh davlat kotibi o‘rinbosarining qo‘shimcha qilishicha, hozirgi vaqtda ijtimoiy masalalar — sifatli ta’lim, tibbiyot va aholi turmushining nisbatan sifatli darajasini ta’minlashga ko‘proq e’tibor qaratish muhimdir.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)