“Liverpul” futbol klubi va Angliya terma jamoasi sobiq yarim himoyachisi Stiven Jerrardning qarindosh akasi Robert Jerrard uch yil qochqinlikdan so‘ng, politsiyaga taslim bo‘ldi. Bu haqda “TASS” xabar bermoqda.
Robert Jerrard aybiga iqror bo‘lib, Manchester shahri politsiyasiga kelgan va uni shu yerda hibsga olishgan.
U Buyuk Britaniyaga kokain yetkazib berish bilan shug‘ullangan uyushgan jinoiy guruhga aloqadorlikda ayblanmoqda.
53 yoshli Robert Jerrardning aytishicha, u qochib yurishdan charchagan, shu sababli ham taslim bo‘lishga qaror qilgan.
Uning sudi 23-noyabr kuni Manchesterda bo‘lib o‘tishi kutilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)