Suriya prezidenti Bashar Asad umumiy amnistiya haqidagi 28-iyulda imzolagan farmonining amal qilishini yana uch oyga uzaytirdi. Bu haqda “TASS” xabar bermoqda.
SANA axborot agentligi orqali tarqatilgan axborotda qayd etilishicha, “qo‘liga qurol olgan yoki biror sabab bilan qurol saqlayotgan barcha kishilar uch oy muddatda taslim bo‘lishi va qurollarini sud organlariga yoki istalgan boshqa qonuniy organga topshirishi lozim”.
Amnistiya to‘g‘risidagi farmon “dezertirlar, qonunbuzarlar va harbiy majburiyatdan bo‘yin tovlaganlarga nisbatan ham amal qiladi”. Ular aybiga iqror bo‘lib, tegishli organlarga murojaat qilishi kerak.
Shuningdek, “o‘zi o‘g‘irlagan odamlarni o‘z xohishiga ko‘ra ozod qilgan kishilar” ham jazodan ozod etiladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)