Koreya Respublikasi prezidenti Pak Kin Xe bugungi kunda bir qator korrupsion ishlarga aralashib qolgan Chxve Sun Sil ilgari unga turli chiqishlarga tayyorgarlik ko‘rishga yordam berganini tan oldi. Bu haqda “TASS” xabar bermoqda.
Seulda 25-oktabr kuni bo‘lib o‘tgan matbuot anjumanida mamlakat rahbari saylov kampaniyasi chog‘ida Chxve Sun Sil unga ko‘p bora yordam berganini, kampaniyani qanday olib borish bo‘yicha maslahatlar bergani, matnlar yozish va jamoatchilik bilan aloqalar ishiga qo‘shilganini aytib o‘tdi.
Pak Kin Xening so‘zlariga qaraganda, ularning o‘rtasidagi aloqalar yangi prezident ma’muriyati to‘planganidan so‘ng to‘xtagan.
Prezident uning dugonasi korrupsion janjalga aralashib qolganidan afsusdaligini bildirib, uzr so‘radi.
Izoh (0)