Markaziy Shvetsiyaning Vermland provinsiyasi, Likenes manzilidagi qochoqlar boshpanasida 24-oktabr, dushanba kuni kechki payt kuchli yong‘in sodir bo‘ldi. Muhojirlardan hech biri jabrlanmadi. Bu haqda “TASS” xabar bermoqda.
Oldinlari qariyalar uyi joylashgan bino to‘liq yonib bitdi. Unda 19 nafar qochoq, jumladan, 5 nafar bola istiqomat qilayotgandi. Politsiya hodisa sababini o‘rganmoqda.
2015-yili 9,8 million kishi yashaydigan Shvetsiyaga 163 ming muhojir keldi. Bu Yevroittifoq davlatlari orasida aholi soniga nisbatan rekord ko‘rsatkich. Qochoqlar boshpanalariga o‘t qo‘yish holatlari o‘tgan yil kuzidan boshlandi, hozirgacha 60 dan ortiq shunday hodisa qayd etildi.
Izoh (0)