“Real” klubining portugaliyalik hujumchisi Krishtianu Ronaldu va uelslik yarim himoyachi Garet Beyl hamda “Yuventus” jamoasining italiyalik posboni Janluiji Buffon “Oltin to‘p–2016” mukofotiga nomzod bo‘lgan 30 futbolchi ro‘yxatidan joy oldi. Bu haqda France Football nashriga tayanib, “TASS” xabar bermoqda.
Sovringa da’vogarlar qatorida “Manchester Siti”ning argentinalik forvardi Serxio Aguero va Dortmundning “Borussiya” a’zosi, gabonlik Pyer-Emerik Obameyang nomzodi keltirilgan. Kun davomida “Oltin to‘p”ga da’vogar qolgan 25 futbolchining nomi e’lon qilinadi.
Qayd etish kerakki, Ronaldu 2015/16-yilgi mavsumda “Real” bilan YChL sohibi, Portugaliya termasi bilan esa Yevropa chempioni bo‘lgandi.
Izoh (0)