Portugaliya terma jamoasi Yevro—2016 ni oltin medallar bilan yakunladi

Fernandu Santush boshchilik qilgan Portugaliya terma jamoasi o‘z tarixida birinchi bor Yevropa Chempionligini qo‘lga kiritdi.

Yevro—2016 ning hal qiluvchi o‘yinida mezbon Fransiyaga qarshi saf tortgan Portugaliya Ederning 109-daqiqada kiritgan yagona goli evaziga zafar quchdi.

Bunga qadar Portugaliya 2004-yilgi qit’a chempionatida finalga qadar yetib kelgan va mezbon bo‘lishiga qaramay Gretsiyaga imkoniyatni boy bergandi. Oradan 12 yil o‘tib Krishtianu Ronaldu jamoadoshlari birinchi bor Yevropa taxtiga chiqdi.

Bellashuvning 24-daqiqasida Krishtianu Ronaldu jarohat olib, maydonni tark etishga majbur bo‘ldi.

• Krishtianu Ronaldu Yevro—2016 finalida jarohat oldi va uchrashuv 24-daqiqasida maydonni ko‘zda yosh bilan tark etdi

• So‘rovnoma: Dimitri Payet qasddan Krishtianu Ronalduga jarohat yetkazdimi?

Portugaliya terma jamoasi Yevro—2016 doirasida o‘tkazilgan yetti bellashuvning 6 tasida raqiblarini asosiy vaqtda mag‘lub eta olmadi. Yarim final doirasida Uelsga qarshi kechgan bellashuvdagina Fernandu Santush jamoasi asosiy vaqtdayoq masalani hal qila olgandi.

Pley-offning 1 ta o‘yinida Polshani penaltilar seriyasiga ko‘ra taslim qilgan Portugaliya, Xorvatiya va Fransiyaga qarshi o‘yinlarda qo‘shimcha daqiqalardagi gol evaziga zafar quchdi.

Fransiya terma jamoasi 1984 va 2000-yilgi Yevropa Chempionatlarida zafar quchgandi. Chempionlik borasida Ispaniya va Germaniya peshqadam — 3 martadan.

Portugaliya terma jamoasi safida Eysebio, Luish Figu kabi futbolchilar harakat qilgan davrda ham Yevropa Chempionligi qo‘lga kiritilmagan. Krishtianu Ronaldu davrida esa portugallar Yevropaga taxtiga chiqdi.

Krishtianu Ronaldu 4 ta Yevropa Chempionatida gol urgan yagona futbolchi. Ronaldu Yevroda eng ko‘p gol urgan 2 ta futbolchidan biri. Krishtianu Yevropa Chempionatida eng ko‘p o‘yin ko‘rsatgan futbolchi. Ronaldu bir mavsumning o‘zida ham Chempionlar Ligasida, ham Yevropa Chempionatida zafar quchgan futbolchi.