Qatarda 2022-yilda bo‘lib o‘tadigan futbol bo‘yicha jahon chempionati uchun qurilayotgan stadionda ishchilardan biri olamdan o‘tdi. Bu haqda JCh—2022 tashkiliy qo‘mitasi matbuot xizmati ma’lum qildi, deya xabar beradi “TASS”.
Hodisa 22-oktabr, shanba kuni mashhur me’mor Zaxa Hadid loyihasi asosida qurilayotgan al-Vakra shahridagi Al Wakrah Stadium stadionida ro‘y berdi. Fojiaga sabab bo‘lgan omillarni aniqlash maqsadida tegishli idoralar bilan hamkorlikda tekshiruv boshlandi.
Oldinroq turnir tashkiliy qo‘mitasi yurak bilan bog‘liq muammolar tufayli uch nafar ishchi o‘lganini xabar qilgandi. Biroq OAVda JCh—2022 obyektlari qurilishida yuzlab kishi halok bo‘lgani haqidagi ma’lumotlar paydo bo‘ldi.
Izoh (0)