«Реал» клубининг португалиялик ҳужумчиси Криштиану Роналду ва уэльслик ярим ҳимоячи Гарет Бэйл ҳамда «Ювентус» жамоасининг италиялик посбони Жанлуижи Буффон «Олтин тўп–2016» мукофотига номзод бўлган 30 футболчи рўйхатидан жой олди. Бу ҳақда France Football нашрига таяниб, «ТАСС» хабар бермоқда.
Совринга даъвогарлар қаторида «Манчестер Сити»нинг аргентиналик форварди Серхио Агуэро ва Дортмунднинг «Боруссия» аъзоси, габонлик Пьер-Эмерик Обамеянг номзоди келтирилган. Кун давомида «Олтин тўп»га даъвогар қолган 25 футболчининг номи эълон қилинади.
Қайд этиш керакки, Роналду 2015/16 йилги мавсумда «Реал» билан ЕЧЛ соҳиби, Португалия термаси билан эса Европа чемпиони бўлганди.
Изоҳ (0)