AQShning Ayova shtatidagi De-Moyn shahrida politsiya haddan tashqari mast holatda shahar ko‘chalarining birida transport harakatini to‘xtatib qo‘ygan 26 yoshli Alfredo Mendes Xarkuinni hibsga oldi, deya xabar bermoqda Meduza.
Politsiyachilar uni hibsga olishga uringan vaqti, u qochgan va yo‘l-yo‘lakay yechinishni boshlagan. Qochoq yondosh ko‘chadan topilgan — u bu vaqtda daraxtni g‘ajiyotgan bo‘lgan. Politsiyachining so‘zlariga ko‘ra, Xarkuin mutlaq tushunarsiz va betartib harakat qilgan. Quvlash vaqtida politsiyachilardan biri to‘pig‘idan shikastlangan.
Xarkuinga nisbatan politsiya xodimlariga bo‘ysunmaslik, bezorilik va jamoat joyida mast holda harakat qilish ayblovi e’lon qilingan. Uni Polk okrugi qamoqxonasiga yuborishgan. U qanday qilib bu darajada mast bo‘lib qolgani noma’lum.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)