АҚШнинг Аёва штатидаги Де-Мойн шаҳрида полиция ҳаддан ташқари маст ҳолатда шаҳар кўчаларининг бирида транспорт ҳаракатини тўхтатиб қўйган 26 ёшли Алфредо Мендес Харкуинни ҳибсга олди, дея хабар бермоқда Meduza.
Полициячилар уни ҳибсга олишга уринган вақти, у қочган ва йўл-йўлакай ечинишни бошлаган. Қочоқ ёндош кўчадан топилган — у бу вақтда дарахтни ғажиётган бўлган. Полициячининг сўзларига кўра, Харкуин мутлақ тушунарсиз ва бетартиб ҳаракат қилган. Қувлаш вақтида полициячилардан бири тўпиғидан шикастланган.
Харкуинга нисбатан полиция ходимларига бўйсунмаслик, безорилик ва жамоат жойида маст ҳолда ҳаракат қилиш айблови эълон қилинган. Уни Полк округи қамоқхонасига юборишган. У қандай қилиб бу даражада маст бўлиб қолгани номаълум.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)