Ukrainadagi “Allo” elektron do‘koni qora rangli iPhone 7 larni tarqatish uchun tanlov e’lon qildi, deya xabar bermoqda “vc.ru”.
Xabar berishlaricha, ismini “Sim”, familiyasini “Ayfon” deb o‘zgartirganiga rasmiy dalil keltirgan birinchi besh kishi iPhone 7 smartfonini bir grivna evaziga sotib olishi mumkin bo‘ladi.
17-oktabr kuni start olgan tanlov birinchi besh kishi o‘z iPhone’ini qo‘lga kiritguncha davom etadi. Tanlovda faqat Ukraina fuqarolari qatnashishi mumkin.
Tanlov ishtirokchisi pasportini ko‘rsatgan holda suratga tushishi, telefon raqamini ko‘rsatishi va hujjatlari bilan do‘konga kelishi kerak.
G‘oliblar nomi kompaniya saytida e’lon qilinadi. Sovg‘aga va’da qilingan telefonning aniq tavsifi ma’lum qilinmayapti.
Izoh (0)