Futzal bo‘yicha O‘zbekiston milliy terma jamoasi va “Ardus” klubi a’zosi Nodir Eliboyev futzalchilik faoliyatiga yakun yasadi, deb xabar bermoqda O‘zbekiston futbol federatsiyasi matbuot xizmati.
Eliboyev professional futzaldagi faoliyatini 2005-yil “Stroitel Zarafshon” jamoasi tarkibida boshlagan. Uning so‘nggi klubi esa O‘zbekistonning 5 karra chempioni “Ardus” bo‘ldi.
O‘tgan mavsum “Ardus” bilan Assotsiatsiya kubogi va O‘zbekiston kubogida zafar quchgan Nodir Eliboyev Oliy ligada kumush medalni qo‘lga kiritdi.
Milliy terma jamoa bilan esa 2016-yilning fevral oyida Toshkentda o‘tkazilgan Osiyo chempionatida finalga qadar yetib borib, kumush medal sohibi bo‘ldi. Shu yilning 10-sentabridan 1-oktabriga qadar Kolumbiyada bo‘lib o‘tgan JCh–2016 turnirida ishtirok etdi. O‘zbekiston termasi guruh boschiqida 1 ochko to‘plab, so‘nggi o‘rinni egallagan edi.
Kolumbiyadagi mundial 34 yoshli futzalchi uchun so‘nggi musobaqa bo‘ldi.
Izoh (0)