Футзал бўйича Ўзбекистон миллий терма жамоаси ва «Ардус» клуби аъзоси Нодир Элибоев футзалчилик фаолиятига якун ясади, деб хабар бермоқда Ўзбекистон футбол федерацияси матбуот хизмати.
Элибоев профессионал футзалдаги фаолиятини 2005 йил «Строитель Зарафшон» жамоаси таркибида бошлаган. Унинг сўнгги клуби эса Ўзбекистоннинг 5 карра чемпиони «Ардус» бўлди.
Ўтган мавсум «Ардус» билан Ассоциация кубоги ва Ўзбекистон кубогида зафар қучган Нодир Элибоев Олий лигада кумуш медални қўлга киритди.
Миллий терма жамоа билан эса 2016 йилнинг февраль ойида Тошкентда ўтказилган Осиё чемпионатида финалга қадар етиб бориб, кумуш медаль соҳиби бўлди. Шу йилнинг 10 сентябридан 1 октябрига қадар Колумбияда бўлиб ўтган ЖЧ–2016 турнирида иштирок этди. Ўзбекистон термаси гуруҳ босчиқида 1 очко тўплаб, сўнгги ўринни эгаллаган эди.
Колумбиядаги мундиал 34 ёшли футзалчи учун сўнгги мусобақа бўлди.
Изоҳ (0)