Shu yil dekabr oyida o‘zining 20 yilligini nishonlash arafasida turgan Korzinka.uz supermarketlar tarmog‘i 16-oktabr kuni “Non festivali”ni tashkil etdi. Bu haqda “Daryo”ga tarmoq mutasaddilari ma’lum qildi.
Butunjahon non kuniga bag‘ishlab o‘tkazilgan yarmarkada Fransiya, Italiya, Germaniya, Rossiya va boshqa davlatlar, shuningdek, O‘zbekistonning turli hududlari uchun xos bo‘lgan 30 xildan ortiq milliy non mahsulotlari e’tibor markazida bo‘ldi.
Tashrif buyuruvchilar tarmoq hamkorlari ko‘magida uyushtirilgan sovrinli o‘yinlarda qatnashish, turli mamlakatlar oshxonasi urf-odatlari aks etgan dasturxonlardagi bug‘doy, javdar, grechixa, makkajo‘xori unidan tayyorlangan mazali pishiriq hamda non mahsulotlarini tatib ko‘rish, ularning foydali jihati, tayyorlanish jarayoni, tarkibi to‘g‘risida mutaxassislardan tavsiya olish imkoniga ega bo‘ldi.
Taqdim etilgan non mahsulotlari boshqa ayni turdagilaridan farqli ravishda mukammal mumtoz texnologiya asosida pishirildi.
Mazkur usul natijasida xamirdagi kimyoviy-fizik jarayonlarning salomatlik uchun foydali xususiyati oshib, non yumshoqligi uzoq vaqt saqlanib turishi ta’minlanadi.
Nonga hajmni sun’iy ishiruvchi, ta’m beruvchi moddalarning qo‘shilmasligi organizm kerakli elementlar bilan boyishiga yordam beradi.
Ushbu darmondorilarga boy turfa non mahsulotlari yaqin orada tarmoqning barcha supermarketlarida sotuvga chiqarilishi rejalashtirilgan.
Izoh (0)